Mashuni samboal

މަސްހުނިސަމްބޯލް

މި މަސް ހުނި ސަމްބޯލް އަކީ ވަރަށް އަނގަޔަށް މީރު ބާވަތެއް
ރޮށި ޕާން ފަދަ ބާވަތްތައް ކާއި އެއްކޮށް ވެސް ކެވިދާނެ
އަދި ރިހަ ފޮޅި ކަހަލަ ތަފާތު ހެދިކާ ވެސް ތައްޔާރު ކުރެވިދާނެ ބާވަތެއް
މޮޑެފައި ބާކީވާ މަސްހުނި ބޭނުންކޮށްގެން ވެސް މި ތައްޔާރު ކޮށްލެވިދާނެ
ކާބޯތަކެތި އަގުބޮޑު ދުވަސް ވަރު ދަސްބިނަށް މަސްހުނި ކޮޅު އަޅާލުމުގެ ބަދަލުގައި ހަވީރު ސަޔަށް ވެސް މަސްހުނި ބޭނުންކޮށްގެން މީރުބާވަތެއް ތައްޔާރު ކޮށްލެވިދާނެ

ބޭނުންވާ ތަކެތި

1 ފިޔާ ހިމުންކޮށް ކޮށާފައި
1 ސައި ސަމުސާ ގިތެޔޮމިރުސް ހިމުންކޮށް ކޮށާފައި ހުރި
2 ހިކަނދިފަތް
1 ޖޯޑު ކެބެޖް ހިމުން ހިމުންކޮށް ކޮށާފައި ހުރި
1 ފަޅި ލުނބޯ
1 ލޮނުމެދު ގާނާފައި
2 ޖޯޑު މަސްހުނި މޮޑެފައި ހުރި
2 ލެޓިއުސްފަތް ކޮށާފައި
1 ސައި ސަމުސާ ޗިކަން ކިއުބް
ތެޔޮފޮދެއް
ލޮނުކޮޅެއް
ރީނދޫ ކޮޅެއް ކުލަ ހިފާ ވަރަށް

ތައްޔާރު ކުރާނެ ގޮތް

ތަވާ އުނދުން މައްޗަށް އުދާލާށެވެ.

ތެޔޮފޮދެއް އަޅާލާފައި ހޫނުވީމާ ފިޔާ ހިކަނދިފަތް،މިރުސް ކެބެޖް އެއްކޮށް އަޅާލާށެވެ.

ފިޔާކޮޅު މޯޅި ވީމާ ބާކީހުރި ހުރިހާ ބާވަތް އެއްކޮށް އަޅާފައި މަޑުގިނީގައި ބަހައްޓައިގެން ދޭފަތުން ހަލަމުން ހަނާކޮށްލާށެވެ.

މި ސަމްބޯލް 4-5 ގޮތަށް ތައްޔާރު ކުރެއެވެ.

Orange mojito

އޮރެންޖު މޮހިތޯ

ބޭނުންވާ ތަކެތި

3 ފަޅި އޮރެންޖު
1 ޖޯޑު ސްޕްރައިޓް
7 އައިސް ކިއުބް
1/2 ޖޯޑު ޕެކެޓް އޮރެންޖް ޖޫސް

ތައްޔާރު ކުރާނެ ގޮތް

އޮރެންޖު ގެ 1 ފަޅި އޮށްނަގާ ކޮށާލާށެވެ.

އަނެއް 2 ފަޅި ތޮށި މަށާ އޮށްނަގާ ކޮށާލާށެވެ .

އެބައި ބްލެންޑަރ އަށް އަޅާފައި ޖޫސް ފޮދު އަޅާފައި ރަނގަޅަށް ގިރާލާށެވެ.

ބިއްލޫރި ތަށްޓަކަށް ކިއުބްކޮށް ކޮށާފައި ހުރި އޮރެންޖު ކޮޅު އަޅާލާށެވެ.

ސަމުސަލުން އޮރެންޖު ކޮޅު ތައް ފިއްތަމުން ހުތް ނިކުންނަ ވަރަށް ޗަސްކޮށްލާށެވެ.
ގިރާފައި ހުރި އޮރެންޖު ޖޫސް އެއްކޮށް ލާށެވެ.

އައިސް ކިއުބް ފުނޑުކޮށްފައި އަޅާލާށެވެ.

ސްޕްރައިޓް ތަށްޓަށް އަޅާލާށެވެ.

Bef rice 4
ބީފް ރައިސް 4

ބޭނުންވާތަކެތި

5 ޖޯޑުބަތް
2 ޖޯޑު ފުލެޓް ބީފް ( ކުދިކޮށް ކޮށާފައި)
3 ބިސް
1/2 ޖޯޑު ގްރީން ބީންސް ކޮށާފައި ހުރި
1 ޖޯޑު ލީކްސް (ތުނިކޮށް ކޮށާފައިހުރި)
1 ޖޯޑު ކެރެޓް ( ގާނާފައިހުރި)
1/3 ސައި ސަމުސާ މުގުރި އަސޭމިރުސް
1 ޖޯޑު ކެބެޖް ( ކޮށާފައިހުރި)
1 ހިކަނދިފަތް
1 ޖޯޑު ފިޔާ ( ހިމުންކޮށް ކޮށާފައިހުރި)
2 މޭޒުމަތީ ސަމުސާ ސޯޔާ ސޯސް
1 މޭޒުމަތީ ސަމުސާ ކޮށާ ހަނާކޮށްފައި ހުރި ލޮނުމެދު
1 މޭޒުމަތީ ސަމުސާ ހަނާކޮށްރާޅުކޮށް މުގުރާފައި ހުރި ހިކިމިރުސާ
1 ގިތެޔޮމިރުހުގެ 1/4 ފަޅި ( ހިމުންކޮށް ކޮށާފައި)
1 ސައިސަމުސާ އިނގުރު ( ޗިސްކޮށްފައިހުރި)
1 ސައިސަމުސާ ޗިކަން ކިއުބް
2 މޭޒުމަތީ ސަމުސާ ސޯޔާސޯސް
ލޮނުކޮޅެއް
ތެޔޮފޮދެއް

ތައްޔާރުކުރާނެގޮތް

ތަވާ އުންދުންމައްޗަށް އުދާލާށެވެ.

ކުޑަތެޔޮފޮދެއް އަޅާފައި ހޫނުވީމާ ބިސް ތަޅާފައި އެއްކޮށްލާށެވެ.

ބިސް އެތި އެތި ކޮޅަށް ވަންދެން ދޭފަތުން ހަލަމުންދާށެވެ.
ފިޔާ ، ލީކްސް، ހިކަނދިފަތް، ބީންސް ،މިރުސް، ކެބެޖް، ބީފް ، ކެރެޓް، އެއްކޮށްލާށެވެ.

މަޑު ގިނީގައި ބަހައްޓައިގެން ދޭފަތުން ހަލަމުންދާށެވެ.

ރޯފިލުމުން ބަތްފިޔަވައި ބާކީހުރި ހުރިހާބާވަތްތައް އަޅާފައި 2 މިނިޓް ވީމާ ބަތްކޮޅު އަޅާފައި އެއްކޮށްފައި އުނދުން މަތިން ބާލާށެވެ.

ޕަމްޕްކިން ޔެލޯ ކަރީ
Pumpkin yellow curry
ބޭނުންވާތަކެތި

8 ޖޯޑު ބަރަބޯ ( ރިހަޔަށް ކޮށާވަރަށް ކޮށާފައިހުރި)
2 ފިޔާ ( ކޮށާފައި)
2 ޖޯޑު ކާށިކިރު
2 ޖޯޑުފެންކިރު
4 ލޮނުމެދު ގާނާފައި
1 ސައި ސަމުސާ މަސްޓަރޑް ސީޑްސް)
1 ގިތެޔޮ މިރުސް ( ކޮށާފައި)
1 ސައި ސަމުސާ މުގުރި ފޮނިތޮށިކާފޫރު ތޮޅި
1 ސައި ސަމުސާ މުގުރި ދިރި
1/3 ސައި ސަމުސާ މުގުރި އަސޭމިރުސް
1 ޖޯޑު ހިކިމަސް ( ތުނިކޮށް ކޮށާފައިހުރި)
1 ސައިސަމުސާ ޗިކަން ކިއުބް
2 ހިކަނދިފަތް
5 ރާނބާފަތްކޮޅު ( 2 / 1 އިންޗިއަށް ބުރިބުރިކޮށްފައިހުރި)
1 ޖޯޑު ކާށި ހުނި ހިމުންކޮށް ފުނޑާ ކުލަހިފާ ރަށް ރީނދޫ ކޮޅެއް ލައިގެން މޮޑެފައި ހުރި
ލޮނުކޮޅެއް
ތެޔޮފޮދެއް

ތައްޔާރުކުރާނެގޮތް

ބަރަބޯކޮޅު 2 ޖޯޑު ފެން ކިރާއި 3 ޖޯޑު ފެން އެއްކޮށްފައި ލޮނުކޮޅެއްވެސް ލާފައި ކައްކަން އުދާލާށެވެ.

އެހެން ތެއްޔެއް އުދާލާށެވެ.
ތެޔޮފޮދެއް އަޅާލާފައި ހޫނުވީމާ ސީޑްސް ކޮޅު އަޅާލާށެވެ.

ސީޑްސް ކޮޅު ފުފުމުން ހިކަނދިފަތް ރާނބާފަތް މިރުސް އެއްކޮށްލާށެވެ.
މަޑު ގިނީގައި ބަހައްޓައިގެން ދޭފަތުން ހަލަމުންދާށެވެ.

އެބައި ހަނާވީމާ ކާށިބޯކިރު ފިޔަވައި ބާކީހުރި ހުރިހާ ބާވަތްތައް އެއްކޮށްލާށެވެ.

ބަރަބޯ މަޑުވުމުން އެބައި ވެސް އެއްކޮށްލާށެވެ. ރަހަހިފާ ވަރަށް ކެކުމުން ބާކީ ކިރު އަޅާފައި އެއްކޮށްފައި އުނދުންމަތިން ބާލާށެވެ.

Lime mojito

ލައިމް މޮހިތޯ

ބޭނުންވާ ތަކެތި

2 ލުނބޯ 1 ލުނބޯ އޮށްނަގާ ކިއުބް ކޮށް ކޮށާފައި
1 ޖޯޑު ސްޕްރައިޓް
5 އައިސް ކިއުބް
25 އެމް .އެލް މިންޓް ސިރަޕް

ތައްޔާރު ކުރާނެ ގޮތް

ނުކޮށާހުރި ލުނބޯ ތޮށިމަށާ އޮށްނަގާ ކޮށާލާށެވެ.

ބްލެންޑަރ އަށް އަޅާފައި ބްލެންޑަރ ކިރިޔާ އަނބުރާ ލެވޭ ވަރުގެ ކުޑަ ފެންފޮދެއް އަޅާފައި ރަނގަޅަށް ގިރާލާށެވެ.

ބިއްލޫރި ތަށްޓަކަށް ކިއުބްކޮށް ކޮށާފައި ހުރި ލުނބޯ ކޮޅު އަޅާލާށެވެ.

ސަމުސަލުން ލުނބޯ ކޮޅު ތައް ފިއްތަމުން ހުތް ނިކުންނަ ވަރަށް ޗަސްކޮށްލާށެވެ.
ގިރާފައި ހުރި ލުނބޯ ޖޫސް އެއްކޮށް ލާށެވެ.

އައިސް ކިއުބް ފުނޑުކޮށްފައި އަޅާލާށެވެ.

ސްޕްރައިޓް ތަށްޓަށް އަޅާފައި މައްޗަށް މިންޓް ސިރަޕް އަޅާލާށެވެ.

ފޮނި މަޑުނަމަ ހަކުރުކޮޅެއް އެއްކޮށްލާށެވެ.

Raheenu Kurumahfahu Maraali Kujjaa Fenunee "Fottakah Laafai Ovvaa" https://vaguthu.mv/news/577213