As each day passes, the last days of their football career are near.

The days when these two announce their retirement from football will be the day we fans will wish that we never trolled them, never made fun of them.

We will wish that they are in their 20s again competing against each other and making us fall in love with football again.

We fans sometimes troll them because of the rivalry between them and the fans, but deep down we all respect them both and admire what they have done for football.

For us football fans who grew up watching them play football, they will always be the two best players in history. For some, Messi is number one, for some, Ronaldo is number one. That will never change. Everyone can have their opinion.

But know one thing, once retire from football, we will miss them forever. 💔🇵🇹🇦🇷

އަބޫ ހުރައިރާ ރަޟިޔަﷲ ޢަންހުގެ ކިބައިން ރިވާވެގެންވެއެވެ. ރަސޫލުﷲ ޞައްލަﷲ ޢަލައިހި ވަސައްލަމަ ޙަދިޘްކުރެއްވިއެވެ. އެއްފަހަރުން ޖަހައި ހޯނެއް މަރައިފިމީހާއަށް މިވެނި އެވެނި ހެޔޮކަމެއް ވެއެވެ. ދެފަހަރުން ޖަހައި ހޯނެއް މަރައިފިމީހަކަށް މިވެނި އެވެނި ހެޔޮކަމެއް ވެއެވެ. އެއީ ފުރަތަމަ ފަހަރަށްވުރެ ޘަވާބު މަދުކޮށެވެ. ތިންފަހަރުން ޖަހައި ހޯނެއް މަރައިފި މީހަކަށް މިވެނި އެވެނި ހެޔޮކަމެއް ވެއެވެ. އެއީ ކުރީ ދެވަނަ ފަހަރަށް ވުރެ ޘަވާބު މަދުކޮށެވެ.
އެހެން ރިވާޔަތެއްގައިވާ ގޮތުން، އެއްފަހަރުން ޖަހައި ހޯނެއް މަރައިފިމީހަކަށް ސަތޭކަ ހެޔޮކަން ވެއެވެ.
ހޯނުމެރުމަށް އަމުރުކުރައްވާފައިވާ ސަބަބު
އެއީ އޭގެ ސަބަބުން ލިބޭ ގެއްލުމެވެ.
ނަބިއްޔާ ޞައްލަﷲ ޢަލައިހި ވަސައްލަމަ އެއަށް ފުވައިސިޤު (ނުލަފާ ނުވަތަ ވިޔާނުދާ ޖަނަވާރު) noxious little creature ގެ ނަމުން ނަން ދެއްވިއެވެ.
އިބްރާހިމް ޢަލައިހިއްސަލާމް އެއްލާލެވުނު އަލިފާންގަނޑު ބޮޑުކުރުމަށްޓަކައި އެތަކެތި އެ އަލިފާންގަނޑަށް ފުމުނު ކަމަށް ބުޚާރީގެ ޙަދިޘްގައި އައިސްފައިވެއެވެ.
އެތަކެއްޗަކީ ކާތަކެތި މުޑުދާރު ކުރާ އެއްޗެކެވެ. ޚާއްޞަކޮށް ލޮނެވެ. އެކަން ނުކުރުވޭނަމަ (މައްޗަށް) ސީލިންގަށް އަރައި ކާތަކެއްޗަށް ސީލައެވެ.
ކާބޯތަކެތި އަޅާ ކަންވާރަށް އެތަކެތި ކުޅު ޖަހައެވެ. އަދި ނުރައްކާތެރި ބަލިތައް ފަތުރައެވެ.
ނަބިއްޔާ ޞައްލަﷲ ޢަލައިހި ވަސައްލަމަ ހޯނު މެރުމަށް އަމުރު ކުރެއްވިއެވެ. އެ މެރުމަށް އަންގަވާފައިވަނީ އޭގެ ނުރައްކާތެރިކަމުންނެވެ. އެއީ ގެއްލުންދީ ދުއްތުރާކުރާ އެއްޗަކަށްވާތީއެވެ.

އަހަރެންގެ މަހާނަ

ރޯކަން އެނގެއެވެ. ގިސްލާ އަޑު އިވެއެވެ. ކަރުނަތައް ފޭދެމުންދާތަން ފެނެއެވެ. ތިޔަ ކަންކަމުން އެކަނި ވެސް ހިތުގެ ރިހުން ބުނެދެއެވެ. އަރާފައިބާ ޝުޢޫރުތައް ކިޔައިދެއެވެ. ހިތުގައި ތިޔައަޅާ ވޭންތައް ތަސައްވުރު ކޮށްދެއެވެ.

މިއީ ހާދަހާވާ އެކަނިވެރި މަންޒިލެކެވެ. ހާދަހާވާ ހިމޭން ދުނިޔެއެކެވެ. މުނިފޫހިފިލުވުމެއް ނުވެއެވެ. ކުޅުމާ މަޖާކުރުމެއް ނެތެވެ. ކެއުމާއި ބުއިމެއް ނެތެވެ. ހަސަދައާއި ރުޅިވެރިކަމެއް ނެތެވެ. އަނިޔާއާއި ބޭއިންސާފެއް ނެތެވެ. ކުރާނެ މަސައްކަތެއް ނެތެވެ. ފައިސާއަކީ މިތަނަށް މުހިންމު އެއްޗެއް ނޫނެވެ. އޮތީ ދިގު ނިންޖެކެވެ. ހެޔޮ ޢަމަލުތައް ނުވާނަމަ އަހަރެންގެ ހާލަކީ ކޮބައިބާވައެވެ.

ތިބާއާ އަހަރެންނާ ދެމެދު މާ ދިގު ރާސްތާއެއް ނުވެއެވެ. ފަސްވަރަށް ފޫޓުގެ ދުރުމިނެވެ. އެކަމަކު މި ތިބެވެނީ ދެ މީހުންނަށް އާލަމެއްގައެވެ. ވަގުތު ހިގަނީ ދެ ގޮތަކަށެވެ. އިރާއި ހަނދުގެ ދައުރުވުމެއް މި އާލަމަކު ނުވެއެވެ.

ދުނިޔޭގެ ވިސްނުމަކުން ވިސްނާނަމަ ތިޔަ އުފެދޭ ސުވާލުތަކަށް ދޭނެ
ޖަވާބެއްނެތެވެ. ތިބާ ތިޔަ ވިސްނަނީ މާއްދީ ވިސްނުމަކުންނެވެ. ރޫޙާނީ ޣިޒާ ނަފުސަށް ދޭށެވެ. ތިބާ އެދެނީ އަހަރެން މަރު ނުވާށެވެ. އަބަދުވެސް ކައިރީގައި ހުންނާށެވެ. އެކަމަކު މަރުވާނެކަން ގަބޫލުކުރާށެވެ. ތިބާގެ ހިތަށް ތިޔައަރަނީ ކައްވަޅުގައި މިހާރު އަހަރެން އޮންނާނެގޮތެވެ. ގަބުރަށް ވާނެގޮތެވެ. މަސްތަކާއި ނާރުތައް ނެތިދާނެ ގޮތެވެ. އިސްތަށިތަކާއި ނިޔަފަތިތަކަށް ވާނެގޮތެވެ. ދަތްޕިލައާއި ކަށިތަކަށް ވާނެގޮތެވެ. އެއީ މާއްދީ ތަކެއްޗެވެ. އެ ތަކެއްޗަށް ވާ ގޮތަށް ވުރެ ބޮޑަށް ވިސްނަންވީ ރޫޙަށް ވާނެގޮތެކެވެ. އޭގެ މަޤާމާއި ދަރަޖައެވެ. އެކަމަކު އެއީ އެއްވެސް މީހަކަށް އެނގޭނެ ކަމެއް ނޫނެވެ. ހެޔޮ ޢަމަލުތަކާއެކު ދުނިޔެ އުޅެފައި ދިޔަ މީހަކާ މެދު ބުނެވިދާނެއެވެ. އޯގާތެރި ހިތްތިރި ޒާހިދު މީހަކާމެދު ހީކުރެވިދާނެއެވެ. ދީނަށް އުޅުނު އިޚްލާޞްތެރި މީހަކާމެދު ދެކެވިދާނެއެވެ. އޭނާއަށް ﷲ މިންވަރު ކުރައްވާނީ ރަނގަޅުގޮތެވެ. އަދި އެކަމަށް އެދި ދުޢާ ވެސް ކުރެވިދާނެއެވެ.

މަރަކީ ދަތުރެއްގެ ފެށުމެވެ. އެއީ ނިމުމެއް ނޫނެވެ. އަބަދުވެސް އެކަން ހަނދާނުގައި ބަހައްޓާށެވެ. ތިޔައީ ހަގީގީ ގޯތި ނޫންކަން ގަބޫލުކުރާށެވެ. ތިބާގެ ވެސް ހަގީގީ މަންޒިލަކީ މި ދަތުރެވެ. އަހަރެންނަކަށް ދެނެއް އެނބުރި ތިޔަ ދުނިޔެއަކަށް ނުދެވޭނެއެވެ. ލޯބި ނުވާތީއެއް ނޫނެވެ.

އަޖައިބެއެވެ. މަރުގެ ޚަބަރަކީ ހިތި އަދި ވޭންހުރި ޚަބަރެކެވެ. އެކަމަކު ގިނަ މީހުންނަށް އެއީ ހިނދުކޮޅެއްގެ ކަމެކެވެ. އެ ހަނދާންތައް އިސާހިތަކު ހިނގައިދާނެއެވެ. ދެން މަރުމައްޗަކުން ހަނދާނެއް ނުވާނެއެވެ. ހަނދާން ވިޔަސް ތިޔަ ހިތްދަތިކަމެއް ނުހުންނާނެއެވެ. އެއީ ފިލާދަނިވި ހިޔަންޏެކެވެ.

މަރަކީ ބާރުގަދަ ހަތިޔާރެކެވެ. ހިތްތައް ވަގުތުން މަޑު ފުށްކޮޅަކަށް ހަދާލައެވެ. އޯގާތެރިކަމާއި ހަމުދަރުދީގެ ޝުޢޫރުތަކުން ހިތްތައް ފުރާލައެވެ. ޣާފިލުކަމުގެ ނިދިން ހޭލައްވާލައެވެ. މާޒީ ކަޝްފުކޮށް ދެއެވެ. ފާފަތައް ހަނދާނަށް ގެނެސް ދެއެވެ. ތަޢުބާވާން ވިސްނައިދެއެވެ. އެކަމަކު ހަމަ ކުޑަ ހިނދުކޮޅެއްގެ ތެރޭގައި އެ ހިތްތައް ހަރުވެއެވެ. މަރާ ދުރަށް ދިޔަވަރަކަށް އަނިޔާވެރިކަން ގަދަވެގަނެއެވެ. ކަލާނގެއާ ދުރުވެއެވެ. އެހެން ނުހަދައްޗެވެ.

ތިބާގެ ދުޢާގެ މީރު ވަސް އެބަ ދުވައެވެ. ހިތާހިތުން ކުރާ ހެޔޮ ދުޢާގެ ވަސްމީރެވެ. އެ ދުޢާގެ ސަބަބުން އަލިވެއެވެ. އެ އަލިކަން އަންނަނީ ގަދަވަމުންނެވެ. ކައްވަޅު ދަނީ ތަނަވަސް ވަމުންނެވެ. މި ހިނދުގައި ގިނަގިނައިން ދުޢާކޮށްދޭށެވެ.

ޖަނާޒާގައި ބައިވެރިވާން ސަހަރާތެރެއަށް ވަންނަ ކޮންމެ ފަހަރަކު އެތަނުގައި ހުންނަ މަހާނަތަކަށް ނަޒަރު ހިންގާލެވެއެވެ. ކޮންމެ ވެސް ދުވަހަކުން އެގޮތަށް އަހަރެންގެ މަހާނަ ވެސް ހުންނާނެއެވެ. މިހާރު އެތަނުން އެއް މަހާނައަކީ އަހަރެންގެ މަހާނަކަމަށް ކުއްލިއަކަށް ހިތަށް ވަދެއްޖެއެވެ. އެ މަހާނައިގެ އަޑު އިވެންފަށައިފިއެވެ. އެކަނިވެރިކަމާއި ހިމޭންކަމުގެ ތެރެއިން ހިތާ ހަމައަށް އެ އަޑު ފޯރަން ފަށައިފިއެވެ. ދިރިތިބީންނެވެ. ހެޔޮ ދުޢާ ކޮށްދޭށެވެ.

ފޮޓޯ: މުނައްވަރު

ތަސްވީރަކާ ބެހޭ ވާހަކައެއް: ޖަމާލު އައްދުއްރާ އާއި އޭނާގެ ދަރިފުޅު މުހައްމަދުގެ ވާހަކަ

ތިރީގައި އެވާ ތަސްވިރު ރަމްޒުކޮށްދޭ ހަގީގަތަކީ ކޮބާ ހެއްޔެވެ؟ އެ ހަގީގަތް ހިނގީ ކޮން އިރަކު ކޮންތާކު ހެއްޔެވެ؟ އެ ތަސްވީރު ހަނދާން ކޮށްދެނީ ކޮން ކަމެއް ހެއްޔެވެ؟ ތިރީގައި އަޅާލެވޭ ފޮޅުވަތްތަކުގައި މި ސުއާލުތަކުގެ ޖަވާބު ލިޔެލަން ގަސްދުކުރަމެވެ.

އަދި އެއްފަހަރު ތަސްވީރަށް ބަލާލާށެވެ! ތަސްވީރުން ފެންނަނީ ބޮޑު މީހަކާއި ކުޑަކުއްޖެއްގެ ސޫރައެވެ. އެ ދެމީހުން ތިބީ ކޮންކުރީޓު ހުރަހެއްގެ އެއްފަރާތުގައެވެ. ބޮޑު މީހާ ކުޑަ ކުއްޖާއަށް ރައްކާތެރިކަން ހޯދައި ދެވޭތޯ މަސައްކަތްކުރަމުން ދެއެވެ. އާދެ، ތަސްވިރު ދައްކައި ދެނީ މި މަންޒަރެވެ.

މި ތަސްވީރު ތައްޔާރުކުރި ފަންނާނު ލަފާކުރާ ކުރުމެއް އެބަ އޮތެވެ. މި މަންޒަރު ފެނުމުން، އެންމެންވެސް މި މަންޒަރު އިޝާރަތްކުރާ ހާދިސާ ހަނދާނަށް އަންނާނޭ ކަމެވެ. އެ ހާދިސާ ހިނގީ 2000ވަނަ ސެޕްޓަމްރު މަހު ތިރީސް ވަނަ ދުވަހުއެވެ. މި ހާދިސާ ހިނގިތާ މިއަދަށް މިހާރު ބާވީސް އަހަރު ފުރުނީއެވެ. ނަމަވެސް، އިއްޔެ ވީކަމެއް ހެން، މި މަންޒަރު ވަރަށް ގިނަ ބައެއްގެ ހިތުގައި ބިންވަޅު ނެގި، ހަރުލާފައި ހުންނާނެކަން މި ތަސްވިރު ތައްޔާރުކުރި ފަންނާނު ލަފާކުރާ ކަހަލައެވެ. އަނިޔާވެރިކަމާއި ބޭ އިންސާފަށް ނަފުރަތުކުރާ މީހުންގެ ހިތްތަކުގައެވެ. ނިޔާއާއި އިންސާފުވެރިކަމަށް ލޯބިކުރާ މީހުންގެ ހިތްތަކުގައެވެ.

މި ތަސްވީރު އިޝާރާތްކުރާ ހަގީގީ ހާދިސާ މަތިން ހަނދާން އާކޮށްލަމާ ހެއްޔެވެ؟ މިހާދިސާ ހިނގީ ޣައްޒާގައެވެ. މި ހާދިސާ ގުޅެނީ އިޒުރޭލުގެ އަނިޔާވެރި އަސްކަރީ އިހުތިލާލާ އިދިކޮޅަށް ފަލަސްތީނު ރައްޔިތުން ދެވަނަ ފަހަރަށް ތެދުވި ތެދުވުމާއެވެ. ތަސްވީރުން ފެންނަ ބޮޑު މީހަކީ ޖަމާލަ އައްދުއްރާއެވެ. ކުޑަ ކުއްޖަކީ އޭނާގެ ލޮބުވެތި ދަރިފުޅު، އުމުރުން ބާރަ އަހަރުގެ މުހައްމަދެވެ. ބައްޕައާއި ދަރިފުޅު ސަލާމަތްވާން މަސައްކަތް ކުރަނީ އެދެބައފައިންނާ ދިމާއަށް އިޒުރޭލު ސިފައިން ފޮނުވަމުން ދިޔަ ބަޑީގެ ވަޒަންތަކުންނެވެ. ނަމަވެސް، އެންމެ ފަހުން ކުޑަކުޑަ މުހައްމަދު އިޒުރޭލު ސިފައިންގެ ބަޑީގެ ޝިކާރައަކަށްވެ، ޝަހީދުވީއެވެ. މި މަންޒަރު، މިހާދިސާ ހިނގަމުން ދިޔައިރު، ރިޕޯޓަރަކު ރެކޯޑު ކުރިއެވެ. އަދި އެއަށް ފަހު، އާންމު ޓީވީއެއްގައި މި މަންޒަރު ދެއްކުނެވެ.

އާންމު ގޮތެއްގައި، އިޒުރޭލު ސިފައިންނާއި އަދި ނުހައްގަން އަތުލައިގަންފައިވާ އަރަބި ބިންތަކުގައި ވަޒަން ވެރިވެގެން އުޅޭ ހައްދުފަހަނައަޅާފައިވާ ދީނީ ޒައިނުސްޓުން ފަލަސްތީނު މީހުންނަށް ގަސްދުގައި އެކި އެކި އަނިޔާދެއެވެ. ފަލަސްތީނު މީހުންގެ ބިންތައް ހަލާކުކުރުމެވެ. އެމީހުންގެ ގޭގެއަށް ގެއްލުންދީ، ތަޅާލައި ނެތިކޮށްލުމެވެ. ނޫން ނަމަ ފަލްސަތީނު މީހުންގެ ގެއިން އެމީހުން ބޭރަށްލައި އެމީހުންގެ ގެތަކުގައި މިނަންގަތް ޒަޔަނިސްޓުން ވަޒަންވެރިވެ އުޅެން ފެށުމެވެ. މީގެ އިތުރުން، ދަންވަރު ދަޅައިގައި ފަލަސްތީނު މީހުންގެ ގޭގެއަށް ވަދެ، ފަލަސްތީނު މީހުން އޮރިޔާންކޮށް ފާސްކޮށް ހަދައެވެ. ބައެއް ފަހަރު، މައިން އެމައިންގެ ދަރިންގެ ކުރިމަތީގައި ވެސް މިފަދައިން ކަންތައް ކުރެއެވެ. މީގެ އިތުރުން ފަލްސަތީނު ކުދިންނާއި މީހުން މެރުމަކީ ވެސް އާންމުކޮށް ހިނގާކަންކަމެވެ. މި ފަދަ ހުރިހާ ކަންކަމީ އާންމު ގޮތެއްގައި ނޫސްތަކުގައި ލިޔެ ޝާއިކުރެވިފައި ހުންނަ ކަންކަމެއް ނޫނެވެ. ނަމަވެސް ޖަމާލު އައްދުއްރާއާއި އޭނާގެ ދަރިފުޅު މުހައްމަދުގެ ހާދިސާ، އެކަން ހިނގަމުން ދިޔައިރު، ރެކޯޑު ކުރެވި އަދި ބައެއް ބޭރު ޓީވީތަކުން މި ހާދިސާ ހިނގާ ދިޔަ ގޮތް ފެނުމުން، މިކަންވީ މިފަދަ އެހެން ހާދިސާތައް އޮއްބާލާފަދައިން އޮއްބާލަން ދަތިވި ހާދިސާއަކަށެވެ. އިޒުރޭލުގެ ރަސްމީ ބައެއް ފަރާތްތަކުން މިކަން ހިނގީ މިވެނިހެންނޭ އެވެނިހެންނޭ ބުނެ، މިކަމުގައި އެމީހުންގެ ސިފައިންގެ މަސްއޫލިއްޔަތު ކުޑަކުރަން މަސައްކަތް ކުރެވުނެވެ. ނަމަވެސް، ގިނަ ބަޔަކު ދުށީ މިއީ ގަސްދުގައި ކުރެވުނު ކަމަކަށެވެ. އާދެ، ކުޑަކުޑަ މުހައްމަދު މަރާލެވުނީ ގަސްދުގައި ކަމެވެ.

މި ތަސްވީރު، ރަމްޒީ ސިފައެއެއްގައި، ހަނދާންކޮށްދެނީ ފަލަސްތީނު އާންމު މީހުންގެ ހާލަތެވެ. އެމީހުންނާ ކުރިމަތިވެފައިވާ ދަތި އުނދަގޫ ދިރިއުޅުމެވެ. އެމީހުންގެ އަބުރަށް، ފުރާނައަށް، މުދަލަށް، އެއްވެސް ހުރުމަތެއް ނުވާކަމެވެ. ކޮންމެ ހިނދުކޮޅެއްގައި ވެސް، އެމީހުންގެ އަބުރަށް އަރައިގަނެވިދާނޭ ކަމެވެ. ކޮންމެ ހިނދުކޮޅެއްގައި ވެސް އެމީހުންގެ ފުރާނަ ނެތިކޮށްލެވިދާނޭ ކަމެވެ. ކޮންމެ ހިނދެއްގައި ވެސް، އެމީހުންގެ ގެދޮރާއި މުދަލަށް ގެއްލުން ދެވިދާނޭ ކަމެވެ.

އެހެންވެ، އަނިޔާއާއި ބޭއިންސާފުވެރިކަމަށް ނުރުހޭ ނަމަ، ނިޔާއާއި އިންސާފުވެރިކަމަށް ރުހޭ ނަމަ، މި މައްސަލަ ރަނގަޅަށް ދަސްކުރަން ޖެހެއެވެ. މި މައްސަލައާ ބެހޭ ގޮތުން ކިޔައި، މިކަމާ ބެހޭ ތެދު މައުލޫމާތު ހޯދަން ޖެހެއެވެ. ތާރީޚަކީ ބައެއް ފަހަރު، ބާރުވެރި ފަރާތް ބޭނުންވާ ގޮތަށް ބަދަލުކޮށްލެވި، އަލުން ލިޔެވޭ އެއްޗެކެވެ. އެހެންވެ، ތެދު ދޮގު، ބައެއް ފަހަރު އޮޅޭ ގޮތް ވެސް ވެއެވެ. ނަމަވެސް، ފަލަސްތީނުގެ މައްސަލައަކީ ހަގީގަތް ހޯދަން ބޭނުން މީހަކަށް އެކަން ހޯދެން އޮތް މައްސަލައެކެވެ. މައްސަލައާ ބެހޭ އިހުގެ ގިނަ ގުނަ ލިޔުންތައް ލިބެއް އެބަ ހުއްޓެވެ. މިފަދަ ލިޔުންތައް ބަލައި، ދިރާސާކުރުމުން، ތިމާގެ އަމިއްލަ ސިކުނޑިއަށް، ތެދު ހަގީގަތް ފެންނާނެއެވެ.

އާދެ، ޖަމާލު އައްދުއްރާއާއި އޭނާގެ ދަރިފުޅު ކުޑަކުޑަ މުހައްމަދު ޝަހީދުވި ހާދިސާއަށް އެކާވީސް އަހަރު ފުރުން ހަނދާންކޮށްދީ ގޮވާލަނީ މިކަމަށެވެ. މުސްލިމުންގެ މެދުގައި ކިޔުމާއި މުތާލިއާކުރުމުގެ އާ ސަގާފަތެއް އުފެއްދުމަށެވެ. މުސްލިމުންނަކީ އިހުނޭ އެއްފަދައިން އަލުން އިލްމުވެރި ބަޔަކަށް ވުމަށެވެ. އެމީހުންގެ ސިކުނޑިތައް މިނިވަންކޮށް، އެމީހުންނަކީ، ހަމައެކަނި އިލްމު ބޭނުންކުރާ ބަޔަކަށް ވުމުގެ އިތުރުން އިލްމު އުފައްދާ ބަޔަކަށްވުމަށެވެ. ސިކުނޑިއާއި ފިކުރުގެ މިނިވަންކަން ލިބިގެން މެނުވީ، ހަށިގަނޑާއި ގެދޮރުގެ މިނިވަންކަމެއް ނުލިބޭނެއެވެ.

މިފޮޓޯތަކުން އެތައް ވާހަކަތަކެއް ބުނެދެއެވެ. މިޒަމާނަށް މިވަރު ފުދެއެވެ. ޑިގްރީ ފެންވަރަށް ކިޔަވައިގެން އަޔަސްމިހާރަކު މޮޅުތަކެއް ނުވެއެވެ. އަޑުގަދަ، ނުކިޔަވާ އިނގިރޭސިން ދެބަސް އެއްކޮށް ބުނެލަން ނޭނގޭ މީހާ މާގަދަވެފާ މުސާރަ ބޮޑެވެ. ސިޔާސީ މީހާ ހުރިހާ ތާކުވެސް ގަދަވެފަ، އަޑުގަދަ އެވެ. ސިޔާސީ ނުވާނަމަ އެމީހަކީ މިހާރު މުޖުތަމަޢު ބަލައިގަންނަ މީހެއް ނޫނެވެ. ލަދުހަޔާތް ކަނޑާ ސިޔާސީ މައިދާނަށް ނިކުންނަ މީހާ އެއީ އެންމެ ގަދަ މީހާ އަށް މިހާރު ވަނީ ވެފައެވެ. މޮޅަށް ކިޔަވައިގެން އަންނަ ކުއްޖާ މިހާރު ހުންނަން ޖެހެނީ ބާކީވެފައެވެ.މިއީ އެފަދަ ކުދިންނަށް ހައްގުވާ މިންވަރުތޯއެވެ. މިއީ އަދުގެ ހާލަތެވެ.
.©kahthiri.
📸 Abdulla abeedh