pumpkin soup
ޕަމްޕްކިން ސޫޕް
ބޭނުންވާތަކެތި
500 ގ. ބަރަބޯ ( ތޮށި މަށާ ތުނިކޮށް ކޮށްފައި )
1500 އެމް. އެލް ފެން
3 ލޮނުމެދު ކުދިކޮށް ކޮށާފައި
150 ގ. ބަޓަރ
100 ގ. ފުށް
1 ފިޔާ ( ކޮށާފައި)
50 އެމް .އެލް ކުކިންގ ކްރީމް
1 ޖޯޑު ޗިކަން ސްޓޮކް
މުގުރި އަސޭމިރުސް ކޮޅެއް
ލޮނުކޮޅެއް
ތެޔޮފޮދެއް
ތައްޔާރުކުރާނެގޮތް
ބަރަބޯ .ފިޔާ .ލޮނުމެދު އެއްކޮށް ތެޔޮފޮދެއް ވެސް އެއްކޮށްފައި ލޮނުކޮޅެއް ވެސް ލާފައި ތަވާޔަށް އަޅާފައި ހަނާކޮށްލާށެވެ.
ތެލީގެ ތެރެއަށް ބަޓަރުކޮޅެއް އަޅާފައި އުނދުން މައްޗަށް އުދާލާށެވެ.
ދިޔާވީމާ ފުށްކޮޅު އެއްކޮށްފައި ހަނާކުރިޗހުރި ބާވަތްތައް ތެލީގެ ތެރެއަށް އަޅާލުމަށްފަހު ދޭފަތުން ހަލަމުން ކުޑަކޮށް ހަނާކޮށްލާށެވެ.
ފެން އެއްކޮށްލުމަށްފަހު މަޑުވަންދެން ކައްކާށެވެ.
މަޑު ނުވާނަމަ އިތުރަށް ފެން ފޮދެއް އަޅާށެވެ.
ބްލެންޑަރ ގައި ކައްކާފައިހުރި ބައި ރަނގަޅަށް ގިރާލާފައި ފުރާނާލާށެވެ.
ފުރޭނިބައި އަނެއްފަހަރު އުނދުންމައްޗަށް އުދާލާށެވެ.
ކެކިގަތުމުން އަސޭމިރުސް ކޮޅަކާއި ލޮނު ކޮޅަކާއި ޗިކަން ސްޓޮކް ކޮޅު އަޅާލާށެވެ .
ކްރީމްކޮޅު އެއްކޮށްފައި އުނދުންމަތިން ބާލާށެވެ.
