‏ޝަރަފުގެ ޚިދުމަތްތެރިޔާ - އެތައް ސަތޭކަ ކުދިންނެއްގެ ފޫޅުމައިމީހާ

މި ހުންނެވީ އަމިއްލަ ބަނޑުން ކުއްޖަކު ދުނިޔެއަށް އުފަންވެފައި ނެތް، އެކަމަކު ބެއިކެންބެއްގެ ގޮތުގައާއި ބެއިކެންބެއްގެ އެހީތެރިޔާގެ ގޮތުގައި އެކުޖުމްލަ ފަސްދޮޅަހަކަށް އަހަރު ދުވަހު ހިލޭސާބަހަށް ދަރުމައަށް ‏ޚިދުމަތް ކުރައްވައި އެތައް ސަތޭކަ ދަރިންނެއް ވިއްސެވި ތިލަދުންމަތީ ވައިކަރަދޫ ބެއިކެނބި ހައްވަ އެވެ. ‏އުމުރުން މިހާރު 74 އަހަރުވެފައިވާ އިރު ފޫޅުމައިކަމުގެ މަސައްކަތަށް ނުކުންނެވީ އުމުރުން 15 ވަރަކަށް އަހަރުގައި ތިލަދުންމަތީގެ މިތަންގަނޑުގެ މަޝްހޫރު މޮޅު ބެއިކެންބެއް ކަމުގައިވި ވައިކަރަދޫ ކަޅުކޮއި މޫސަ ރުޤިއްޔާގެ ފަހަތުގައި އޭނާގެ އެހީތެރިޔާގެ ގޮތުގައެވެ. ‏ބެއިކެނބި ހައްވަ ފަދައިން ކަޅުކޮއި މޫސަ ރުޤިއްޔާ އަކީ ވެސް ދަރިއެއް ނެތް މީހެކެވެ. ޙަޤީޤަތުގައި ޚިދުމަތުގެ ޝަރަފުގެ އިނާމާއި އެއްޗެތި ޙައްޤީ މިފަދަ ޚިދުމަތްތެރީންނަށް ނޫންތޯއެވެ؟ ‏އިހުގައި މިރާއްޖޭގައި ރައްޔިތުންގެ ބޯބޯމަތިން ވާރުނެގި ޒަމާނުގައި ބެއިކެނބީންގެ އަތުން ވާރުކެނޑިފައި އޮތީ ބެއިކެނބީންގެ ވަރުގަދަ އިޖުތިމާޢީ ޚިދުމަތުގެ ސަބަބުންނެވެ.
މާތް ﷲ ހައްވަދައިތަގެ އެ އަމަލުތައް ޤަބޫލުކުރައްވާ ހެޔޮހާލުގައި ފުރިހަމަ ސިއްހަތެއްގައި ހުރުމުގރ ހެޔޮ ތައުފީގް ދެއްވާށިއެވެ. އާމީން

Credits: Ahmed Salim