ތައުބާ ނުވެވޭނެ ފާފައެއް ނެތެވެ.
ހަމައެކަނި މާތް ﷲ ގެ ޙައްޤެއް ހިމެނޭ ފާފައެއް ނަމަ، 3 ޝަރުޠެއް ތައުބާ ވާއިރު ފުރިހަމަ ކުރަން ޖެހޭނެއެވެ.
އެއީ؛
1- އެ ކުރެވުނު ފާފައަކާ މެދު ދެރަވުން
2- އެ ފާފަ ފުއްސެވުމަށް އެދި މާތް ﷲ އަށް ދެންނެވުން
3- އަނބުރާ އެ ފާފައަކަށް އަރައިނުގަތުމަށް ޢަޒުމް ކަނޑައެޅުން
މީހެއްގެ ޙައްޤެއް ހިމެނޭ ފާފައެއް ނަމަ، އިތުރު އެއް ޝަރުޠު އިތުރުވެގެން ވެއެވެ.
އެއީ؛
4- އެމީހެއްގެ އެ ޙައްޤު އަދާކުރުން/ ހިތް ޙަލާލު ހޯދުން
ތައުބާގެ ދޮރު ވަނީ ހުޅުވިފައެވެ. އެ ދޮރު ބަންދު ވާނީ ދެ ކަމަކުންނެވެ.
1- މީހާގެ ފުރާނަ ހިއްޕެވޭ ވަގުތު ޖެހުން
2- ޤިޔާމަތްވުން
އެހެންކަމުން، މަރު އައިސް ޖެހުމުގެ ކުރިން ތެދުވެރި ތައުބާއަކުން ތައުބާވާން ބޭނުން މީހަކަށް އެ ދޮރު ވަނީ ހުޅުވިފައެވެ.
Like
Comment
Share
