Kulhi Valhoamas submerine

ކުޅި ވަޅޯމަސް ސަބްމެރިން

ބޭނުންވާ ތަކެތި

1 ދިގު ބަނަސް
1/2 ޖޯޑު ހިމުން ހިމުންކޮށް ކޮށާފައި ހުރި ވަޅޯމަސް
3 މޭޭޒުމަތީ ސަމުސާ ހިމުން ކޮށް ކޮށާފައި ހުރި ފިޔާ
1 ކެޕްސިކަމް ކަރުނަގާ ހިމުންކޮށް ކޮށާފައި
1 މޭޒުމަތީ ސަމުސާ ޓޮމާޓޯ ޕޭސްޓް
1 މޭޒުމަތީ ސަމުސާ ޕީލްޑް ޓޮމާޓޯ
1/2 ސައިސަމުސާ ގިތެޔޮމިރުސް ހިމުންކޮށް ކޮށާފައި ހުރި
1/2 ލޮނުމެދު ގާނާފައި
1 ޓޮމާޓޯ ފޮތި ފޮތިކޮށްފައި
1/2 ޗިކަން ކިއުބް
2 ފޮތި ސްލައިސް ޗީޒް
1/3 ސައި ސަމުސާ މުގުރި އަސޭމިރުސް
1 މޭޒުމަތީ ސަމުސާ ބަޓަރ
1ލެޓިއުސް ފަތް
މެޔޮނައިސް ކޮޅެއް
ބަޓަރ ކޮޅެއް
ސަބްމެރިން ސޯސް ކޮޅެއް

ތައްޔާރު ކުރާނެ ގޮތް

ތަވާ އުނދުން މައްޗަށް އުދާލާށެވެ. ކުޑަ ތެޔޮފޮދެއް އަޅާލާށެވެ.

ހޫނުވިމާ ލޮނުމެދު، މަސް ފިޔާ ، ގިތެޔޮމިރުސް ކެޕްސިކަމް ކޮޅު އަޅާފައި މަޑު ގިނީގައި ބަހައްޓައިގެން ދޭފަތުން ހަލަމުން ރޯފިލުވާލާށެވެ .

ދެން އަސޭމިރުސް ކިއުބް ޕޭސްޓް، ޕީލްޑް ޓޮމާޓޯ އެއްކޮށްލާށެވެ .ރަހަހިފުމުން އުނދުން މަތިން ބާލާށެވެ.
ބަނަސް މެދުން ދެފަޅިކޮށްފައި ދެފަޅިގެ އެތެރެ ފަރާތް ކުޑަކޮށް ފިހެލާށެވެ .

އެއްފަޅީގައި ބަޓަރު ހާކާލާށެވެ.އަނެއްފަޅީގައި މެޔޮނައިސް ހާކާލާށެވެ.

މަސްކޮޅު ސަބްމެރިން ސޯސް ކޮޅަކާއި އެއްކޮށްލާށެވެ.
ބަނަހުގެ އަޑިއަށްވާ ފަޅީގައި ލެޓިއުސް ފަތް ކޮޅު ކަފާފައި ފަތުގެ ކާރި ފަށް ބޭރަށް ވާާގޮތަށް ބާއްވާށެވެ.

ދެން މަސް ފަތުރާލާފައި ޓޮމާޓޯ ފޮތި ތައް ދެފަޅިކޮށްފައި ބަނަހުގެ ދިގަށް އަތުރާލާފައި ޗީޒް ފޮތިތައް ވެސް ކަފާފައި ޓޮމާޓޯ ފޮތި ތައް މަތީގައި ދިގަށް އަތުރާލާށެވެ .
އަނެއް ބަނަސް ފަޅި މަތީގައި ތަތްކޮށްފައި މެދުން ކައްޗަށް ކަފާލާށެވެ.

ވަޅޯމަސް ސަބްމެރިން ވެސްތަފާތު ގޮތް ގޮތަށް ތައްޔާރުކުރެއެވެ.